बिहारी के दोहे

बिहारी लाल के दोहे 

नहिं पराग नहिं मधुर मधु, नहिं विकास इहि काल|

अलि कलि ही सौं बंध्यो, आगे कौन हवाल||

मोहन मूरति स्याम की, अति अद्भुत गति जोइ|

वसतु सु चित-अंतर, तऊ प्रतिबिम्बितु जग होइ||

कनक कनक ते सौ गुनी, मादकता अधिकाय|

उहिं खायैं बौराई है, इहिं पायैं बौराय||

या अनुरागी चित की, गति समुझै नहिं कोय|

ज्यौं ज्यौं बूडै स्याम रंग, त्यों त्यों उज्जलु होय||

जप-माला छापे तिलक, सरे न एकौ कामु|

मन कांचै नाचें वृथा, सांचे रांचे रामु||